Վերապատրաստում

Հարգելի փաստաբաններ, 

Հարգելի իրավաբաններ,

ՀՀ փաստաբանական ակադեմիան հրավիրում է վճարովի հիմունքներով մասնակցելու «ԱՇԽԱՏԱՆՔԱՅԻՆ ԻՐԱՎԱՀԱՐԱԲԵՐՈՒԹՅՈՒՆՆԵՐԻ ՓԱՍՏԱԹՂԹԱՎՈՐՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԸ» թեմայով 3 դասընթացի, որոնցից յուրաքանչյուրի տևողությունը 4 ակադեմիական ժամ է (1 ակադեմիական ժամը՝ 40 րոպե)։

Դասընթացը վարելու է ԵՊՀ իրավագիտության ֆակուլտետի, ՀՀ փաստաբանական ակադեմիայի, ՀՀ արդարադատության ակադեմիայի և ՀՀ գիտությունների ազգային ակադեմիայի դասախոս, ի․գ․թ․, փաստաբան  Մանե Կարապետյանը։

Դասընթացները կազմակերպվելու են Հայաստանի Հանրապետության փաստաբանական ակադեմիայում (հասցե՝ ք․Երևան, Զաքյան 7-3 շենք) 2026թ․ հունիսի 24-ին, 25-ին և 26-ին, ժամը 10.00-13.00-ն:

Մասնակցության հայտերն ընդունվելու են մինչև 22.06.2026թ․ ներառյալ։

Դասընթացի նպատակն է մասնակիցներին ներկայացնել աշխատանքային և քաղաքացիաիրավական պայմանագրերի նմանությունները և տարբերությունները, աշխատանքային պայմանագրին ներկայացվող պահանջները՝ այն ճիշտ կազմելու համատեքստում, աշխատանքի էական պայմաններ փոփոխելու փաստաթղթավորումը, տարբեր իրավիճակներում աշխատանքային պայմանագրի լուծման ճիշտ հիմքի ընտրությունը, ինչպես նաև կարգապահական տույժի կիրառման և ազատման հրաման կազմելու ճիշտ ձևը՝ այդ թվում նյութական և դատավարական օրենսդրության պահանջների պահպանմամբ։

Երեք դասընթացներին մասնակցած անձը հնարավորություն կունենա լիարժեք և համապարփակ պատկերացում կազմել աշխատանքային հարաբերությունների փաստաթղթավորման վերաբերյալ․

Ø  կկարողանա տարբերակել աշխատանքային և քաղաքացիաիրավական պայմանագրերը,

Ø   ճիշտ և հնարավոր ռիսկերի հաշվառմամբ կկարողանա կազմել աշխատանքային պայմանագիր,

Ø  կիմանա ինչպես ձևակերպել աշխատանքի էական պայմանների փոփոխություն,

Ø  տարբեր իրավիճակներում կկարողանա ընտրել աշխատանքային պայմանագրի լուծման հնարավորինս անխոցելի հիմք,

Ø  կկարողանա կազմել ազատման հրաման

Ø  կկարողանա փաստաթղթավորել կարգապահական տույժի կիրառումը։

Անձը կարող է մասնակցել նաև մեկ կամ երկու դասընթացի, սակայն լիարժեք պատկերացում կազմելու համար նախընտրելի է մասնակցել բոլոր երեք դասընթացներին:

Բոլոր երեք դասընթացների մասնակցության արժեքն է 38.000 (երեսունութ հազար) ՀՀ դրամ` ներառյալ հարկերը։ Երեք դասընթացների համար վճարած, սակայն դրանց ամբողջությամբ կամ մասամբ չմասնակցելու դեպքում վճարված գումարը վերադարձման ենթակա չէ:

Մեկ կամ երկու դասընթացին մասնակցելու դեպքում՝ յուրաքանչյուր դասընթացի արժեքն է 15.000 (տասնհինգ հազար) ՀՀ դրամ:

Փաստաբանների համար երեք դասընթացների մասնակցության արժեքն է 29.000 (քսանինը հազար) ՀՀ դրամ` ներառյալ հարկերը։ Երեք դասընթացների համար վճարած, սակայն դրանց ամբողջությամբ կամ մասամբ չմասնակցելու դեպքում վճարված գումարը վերադարձման ենթակա չէ:

Փաստաբանների համար մեկ կամ երկու դասընթացի մասնակցության դեպքում յուրաքանչյուր դասընթացի արժեքն է 12.000 (տասներկու հազար) ՀՀ դրամ:

Դասընթացին մասնակցելու Ձեր ցանկության դեպքում անհրաժեշտ է [email protected] էլեկտրոնային փոստի հասցեին ուղարկել նամակ՝ նշելով Ձեր անունը, ազգանունը, իսկ փաստաբան հանդիսանալու դեպքում նաև արտոնագրի համարը։

Բոլոր երեք դասընթացներին մասնակցած անձանց տրամադրվելու է դասընթացի մասնակցության հավաստագիր։ Մեկ կամ երկու դասընթացի մասնակցած անձանց տրամադրվելու է տեղեկանք մասնակցության թեմայի և ժամերի վերաբերյալ:

Դասընթացի մասնակցությունը հավասարեցվելու է համապատասխան ժամերի քանակով վերապատրաստման դասընթացների ժամաքանակին։

Դասընթացի ծրագրին կարող եք ծանոթանալ հետևյալ հղմամբ՝ https://advocates.academy/hy/file/4b5bc370-b650-45fc-8842-7f2429f29f75 :

Հարգանքով՝

ՀՀ փաստաբանական ակադեմիայի

գիտագործնական դեպարտամենտ