Լուրեր

ՈՒՇԱԴՐՈՒԹՅՈՒՆ. Բացառիկ հնարավորություն երիտասարդ ֆրանկոֆոն փաստաբանների համար

Հայաստանի Հանրապետության փաստաբանների պալատի, Հայաստանի Հանրապետության փաստաբանական ակադեմիայի և Օ-դը-Սենի (Hauts-de-Seine) փաստաբանների միության միջև առկա շարունակական համագործակցության շրջանակներում՝ այս տարի Հայաստանից մեկ կամ երկու երիտասարդ փաստաբան հնարավորություն կունենա մասնակցելու Օ-դը-Սենի փաստաբանների միության կողմից անցկացվող ճանաչողական ծրագրին (դասընթացին):

Ծրագրի անցկացման ժամկետները՝ 2026 թվականի նոյեմբերի 16-ից 22-ը։

Մրցույթին մասնակցելու չափանիշներն են.

• Ֆրանսերենի գերազանց իմացություն (B2 մակարդակ)

• Տարիքը չի գերազանցում 40 տարեկանը

• Փաստաբանական գործունեության արտոնագրի գործողությունը դիմելու պահին կասեցված չէ

• Ֆրանսիա այցելելու համար անհրաժեշտ գործող մուտքի վիզայի առկայություն

Ծրագիրը նախատեսում է պարտադիր մասնակցություն ֆրանկոֆոն հռետորական արվեստի մրցույթին:

Ինչպե՞ս դիմել.

Մրցույթի մասնակցության հայտերն անհրաժեշտ է ուղարկել մինչև 2026 թվականի հոկտեմբերի 27-ը ներառյալ՝ [email protected] էլեկտրոնային փոստի հասցեին։

Հարցազրույցի անցկացման հստակ ժամի և վայրի վերաբերյալ դիմորդները կտեղեկացվեն նախապես: