Նախապատրաստում

ՀՀ փաստաբանական ակադեմիան մեկնարկում է ուսանողների և իրավաբանների համար նախատեսված «ՈՒՂԻ ԴԵՊԻ ՓԱՍՏԱԲԱՆՈՒԹՅՈՒՆ» ծրագիրը: Ծրագրին միացած անձինք պատրաստվելու են ՀՀ փաստաբանական ակադեմիայի ընդունելության քննություններին՝ ներառյալ հնարավորություն է ընձեռվելու հանձնել փորձնական թեստեր, այդ թվում՝ օգտվել «Առցանց շտեմարան» հարթակից, ինչպես նաև նախապատրաստվել ընդունելության գրավոր և  բանավոր քննություններին դասախոսությունների կազմակերպման միջոցով։

 Ծրագրի ընդհանուր տևողությունը՝ 10 շաբաթ է:

Ծրագիրն իրականացվելու է քրեաիրավական և քաղաքացիաիրավական ուղղվածության առանձին խմբերով և կազմակերպվելու են նաև համատեղ ընդհանուր դասընթացներ:

Ծրագիրն անցկացվելու է 2026թ. նոյեմբերի 2-ից մինչև 2027թ․ հունվարի  14-ը (ներառյալ): Դասընթացն անկացվելու է ժամը 18:30-ից 21.20-ը:

Վայրը՝ ՀՀ փաստաբանական ակադեմիա (ք․Երևան, Զաքյան 7-3):

Ծրագրի ընդհանուր արժեքը կազմում է 300.000 (երեք հարյուր հազար) ՀՀ դրամ՝ ներառյալ ավելացված արժեքի հարկը, որը կարող է վճարվել նաև երկու փուլով։ Ծրագրի մասնակցության համար գործելու են 9 խումբ զեղչեր, որոնց կարող եք ծանոթանալ ծրագրում:

Ծրագրին մասնակցելու համար կարող եք գրանցվել մինչև 2026թ. հոկտեմբերի  26-ը ներառյալ, հետևյալ եղանակներից որևէ մեկով՝

-      [email protected]  էլեկտրոնային փոստի հասցեին ուղարկել նամակ՝ նշելով Ձեր անունը, ազգանունը, հեռախոսահամարը, կամ

-      զանգահարել 010606608 (ներքին համարը՝ 105) կամ 099982907 հեռախոսահամարներով, կամ

-      հղմամբ ընտրել քրեաիրավական կամ քաղաքացիաիրավական ուղղվածության «Ուղի դեպի փաստաբանություն» ծրագիրը և ընտրել «Գրանցվել» կոճակը: Գրանցվելու դեպքում վճարը կատարվում է այդ պահին.

-      նույն հղմամբ ընտրել քրեաիրավական կամ քաղաքացիաիրավական ուղղվածության «Ուղի դեպի փաստաբանություն» ծրագիրը և ընտրել «Ամրագրել» կոճակը:  Ամրագրվելու դեպքում, ըստ հրավերի, լրացուցիչ պետք է այցելել ՀՀ փաստաբանական ակադեմիա: