Ակադեմիա

ՀՀ փաստաբանական ակադեմիայի կառավարումն իրականացնում են ՀՀ փաստաբանական ակադեմիայի կառավարման խորհուրդը և ՀՀ փաստաբանական ակադեմիայի ռեկտորը:

ՀՀ փաստաբանական ակադեմիայի կառավարման բարձրագույն մարմինը Խորհուրդն է:

Խորհուրդը կազմավորվում է երեք տարի ժամկետով՝ 7 (յոթ) անդամի կազմով, ներկայացուցչության հետևյալ համամասնությամբ՝

1. ՀՀ փաստաբանների պալատի նախագահը, ի պաշտոնե.
2. ՀՀ փաստաբանների պալատի խորհրդի կողմից ընտրված երեք փաստաբան.
3. Հայաստանի Հանրապետության արդարադատության նախարարությունից մեկ ներկայացուցիչ՝ Հայաստանի Հանրապետության արդարադատության նախարարի ներկայացմամբ.
4. երկու իրավաբան գիտնական՝ «Փաստաբանության մասին» օրենքով սահմանված կարգին և պայմաններին համապատասխան:

ՀՀ փաստաբանների պալատի խորհրդի 05.05.2026թ․ որոշմամբ երեք տարի ժամկետով կազմավորվել է կառավարման խորհուրդ՝ հետևյալ կազմով.

1. Սիմոն Բաբայան՝ ՀՀ փաստաբանների պալատի նախագահ, ի պաշտոնե, (արտոնագիր № 55).
2. Մարտուն Փանոսյան՝ փաստաբան (արտոնագիր № 986).
3. Ինեսսա Պետրոսյան՝ փաստաբան (արտոնագիր № 20).
4. Տարոն Սիմոնյան՝ փաստաբան (արտոնագիր № 1092).
5. Հասմիկ Ստեփանյան՝ իրավաբան գիտնական (ի.գ.թ.).
6. Նազելի Սուքիասյան՝ իրավաբան գիտնական (ի.գ.դ., պրոֆեսոր).
7. Ներսես Զեյնալյան՝ ՀՀ արդարադատության նախարարության ներկայացուցիչ:

ՀՀ փաստաբանական ակադեմիայի կառավարման խորհրդի նախագահ է ընտրվել Սիմոն Բաբայանը՝ մինչև 2029 թվականի մայիսի 5-ը (ներառյալ) ժամկետով։

Խորհրդի խնդիրներն են՝

1. ՀՀ փաստաբանական ակադեմիայի ընդհանուր կառավարումը.
2. ՀՀ փաստաբանական ակադեմիայի ընթացիկ գործունեության վերահսկողությունը:

Խորհուրդն իրականացնում է հետևյալ գործառույթները և լիազորությունները`

1. ՀՀ փաստաբանական ակադեմիայի կանոնադրությամբ սահմանված կարգով պաշտոնի նշանակում և պաշտոնից ազատում է ՀՀ փաստաբանական ակադեմիայի ռեկտորին.
2. հաստատում է ՀՀ փաստաբանական ակադեմիայի աշխատանքային ներքին կանոնակարգը, կառուցվածքը և աշխատակազմի հաստիքացուցակը.
3. հաստատում է ՀՀ փաստաբանական ակադեմիայի տարեկան բյուջեն՝ ՀՀ փաստաբանական ակադեմիայի ռեկտորի ներկայացմամբ.
4. ՀՀ փաստաբանական ակադեմիայի կանոնադրությամբ սահմանված պարբերականությամբ լսում է ՀՀ փաստաբանական ակադեմիայի ռեկտորի հաշվետվությունները.
5. ՀՀ փաստաբանների պալատի խորհրդի հաստատած ուղենիշներին համապատասխան՝ հաստատում է փաստաբանների վերապատրաստման պլանը, ինչպես նաև ունկնդիրների ուսումնական պլանը.
6. ՀՀ փաստաբանական ակադեմիայի ռեկտորի ներկայացմամբ քննարկում և լուծում է ունկնդրի հեռացման հարցը.
7. անվավեր է ճանաչում, վերացնում կամ կասեցնում է ՀՀ փաստաբանական ակադեմիայի ռեկտորի ընդունած անհատական կամ ներքին իրավական ակտերը.
8. ընտրում է ՀՀ փաստաբանական ակադեմիայի աուդիտն իրականացնող անձին.
9. հաստատում է ունկնդիրների ուսման վարձի չափը, դրա վճարման կարգը.
10. հաստատում է ընդունելության քննությունների անցկացման համար անհրաժեշտ վճարի չափը և վճարման կարգը.
11. հաստատում է փաստաբանների վերապատրաստման համար գանձվող վճարի չափը և վճարման կարգը.
12. ՀՀ փաստաբանական ակադեմիայի ռեկտորի ներկայացմամբ հաստատում է ընդունելության քննությունների կազմակերպման և անցկացման կարգը.
13. հաստատում է փաստաթղթերի պահպանման ժամկետները.
14. ստեղծում է տնտեսական ընկերություններ կամ որոշում է ընդունում տնտեսական ընկերություններում մասնակցության մասին, ինչպես նաև ստեղծում է առանձնացված ստորաբաժանումներ և հիմնարկներ ու ընդունում դրանց կանոնադրությունների հաստատման մասին որոշումներ.
15. ՀՀ փաստաբանական ակադեմիայի ռեկտորի ներկայացմամբ հաստատում է ՀՀ փաստաբանական ակադեմիայի խորհրդանիշը.
16. սահմանում է ՀՀ փաստաբանական ակադեմիայի լրիվ մաշված կամ չաշխատող (օգտագործման համար ոչ պիտանի) գույքի դուրսգրման կարգը.
17. իրականացնում է «Փաստաբանության մասին» օրենքով, «Հիմնադրամների մասին» օրենքով, ՀՀ փաստաբանական ակադեմիայի կանոնադրությամբ նախատեսված, ինչպես նաև ՀՀ փաստաբանական ակադեմիայի այլ մարմիններին չվերապահված այլ լիազորություններ:

ՀՀ փաստաբանական ակադեմիայի ընթացիկ գործունեության ղեկավարումն իրականացնում է ակադեմիայի ղեկավարը՝ ռեկտորը, որին ՀՀ փաստաբանական ակադեմիայի կանոնադրությամբ սահմանված կարգով պաշտոնի նշանակում և պաշտոնից ազատում է ՀՀ փաստաբանական ակադեմիայի կառավարման խորհուրդը` առնվազն հինգ տարվա փաստաբանական ստաժ ունեցող անդամների կազմից, չորս տարի ժամկետով, բայց ոչ ավելի, քան երկու անգամ անընդմեջ:

Ռեկտորի իրավասությանն են պատկանում ՀՀ փաստաբանական ակադեմիայի ընթացիկ գործունեության կառավարման բոլոր հարցերը:

ՀՀ փաստաբանական ակադեմիայի կառավարման խորհրդի 05.10.2021 թվականի որոշմամբ ՀՀ փաստաբանական ակադեմիայի ռեկտոր է նշանակվել Արա Զոհրաբյանը:

ՀՀ փաստաբանական ակադեմիայի 24.11.2022թ. գրանցված կանոնադրության համաձայն՝ ՀՀ փաստաբանական ակադեմիայի ռեկտորի հետ անորոշ ժամկետով կնքված պայմանագիրը համարվել է կնքված չորս տարի ժամկետով, որի ժամկետը սկսում է հաշվարկվել ««Փաստաբանության մասին» օրենքում փոփոխություններ և լրացումներ կատարելու մասին» 05.10.2022թ. (ՀՕ ՀՕ-366-Ն) օրենքի ուժի մեջ մտնելու պահից՝ 2022 թվականի նոյեմբերի 6-ից։

Կենսագրական տվյալներ

Ծննդյան տարեթիվը և վայրը

1978թ. ք. Երևան, Հայաստանի Հանրապետություն

Կրթություն

1994-1999թթ. Երևանի Գլաձոր համալսարան իրավաբանական ֆակուլտետ դիպլոմավորված մասնագետ

Գիտական կոչում

Իրավաբանական գիտությունների թեկնածու, ԺԲ.00.04, 2013թ., Երևանի պետական համալսարանի մասնագիտական խորհուրդ

Թեման՝ «Ապացուցման միջոցների հիմնահարցերը Հայաստանի Հանրապետության քաղաքացիական դատավարությունում»

Աշխատանքային և մասնագիտական գործունեություն

2021թ-ից ՀՀ փաստաբանական ակադեմիայի ռեկտոր

2020թ-ից Երևանի պետական համալասարանի իրավագիտության ֆակուլտետում քննական հանձնաժողովի անդամ

2016թ-2023թթ. Հայ-Ռուսական (Սլավոնական) համալսարանի Իրավագիտության 063 մասնագիտական խորհրդի անդամ

2013թ-2021թթ.՝ ՀՀ փաստաբանների պալատի նախագահ

2013թ-2021թթ.՝ ՀՀ փաստաբանների պալատի որակավորման հանձնաժողովի նախագահ

2013թ-2021թթ.՝ ՀՀ փաստաբանական ակադեմիայի կառավարման խորհրդի նախագահ

2012թ-ից ՀՀ փաստաբանական ակադեմիայի դասախոս

2012-2013թթ.` ՀՀ փաստաբանների պալատի և ՀՀ ոստիկանության միջև 08.02.2012թ. համագործակցության հուշագրի շրջանակներում ստեղծված հանձնախմբի անդամ, ՀՀ փաստաբանների պալատի համակարգող

2010-2013թթ.` ՀՀ փաստաբանների պալատի խորհրդի առընթեր գիտավերլուծական կենտրոնի համակարգող

2009թ-ից` «Զոհրաբյան և գործընկերներ» փաստաբանական գրասենյակ (այսուհետ` Փաստաբանական գրասենյակ) ՍՊԸ, նախագահ

2009թ-ից` Երևանի Գլաձոր համալսարան, դասախոս

2007- 2013թթ.` ՀՀ փաստաբանների պալատի նախագահի տեղակալ

2007-2013թթ.` ՀՀ փաստաբանների պալատի խորհրդի անդամ

2006-2010թթ.` «Լոնդոն- Երևան Կօ» ապահովագրական ՍՊԸ, խորհրդի անդամ

2005-2011թթ.` Երևանի «Մանց» համալսարան, դասախոս

2002-2009թթ.` Փաստաբանական գրասենյակի գլխավոր տնօրեն

2001թ-ից՝ փաստաբանական գործունեության արտոնագիր

2000-2002թթ.` Փաստաբանական գրասենյակի իրավաբան

1999-2000թթ.` «Երևանի հաստոցաշինական արտադրական միավորում» ԲԲԸ, իրավաբան

Մասնագիտական կոչումներ

2015թ. Փարիզի փաստաբանների պալատի պատվավոր անդամի կոչում

2015թ. Մոնպելիեյի փաստաբանների պալատի պատվավոր անդամի կոչում

Ընտանեկան դրություն

Ամուսնացած է: Ունի չորս երեխա: Երեք որդի և մեկ դուստր

Ծառայել է Հայոց բանակում:

ՀՀ փաստաբանական ակադեմիայի ռեկտորը`

1. ղեկավարում է ուսման և փաստաբանների մասնագիտական վերապատրաստման գործընթացը.
2. հաստատում է ունկնդիրների ուսուցման կազմակերպման ընթացակարգը.
3. հաստատում է փաստաբանների վերապատրաստման կարգը.
4. սահմանում է դասախոսների (վերապատրաստողների) վճարների չափերը.
5. հաստատում է ուսումնական պլանների ժամանակացույցերը.
6. հաստատում է առարկայական ծրագրերը.
7. հաստատում է փորձաշրջանի ծրագրերը.
8. հաստատում է վերապատրաստման ծրագրերը.
9. ձևավորում է ընդունելության, բողոքարկման, վերահանձնման և փորձաշրջանի, ինչպես նաև այլ հանձնաժողովներ, սահմանում է այդ հանձնաժողովների գործունեության կարգերը.
10. ունկնդիրների բողոքների հիման վրա վերանայում է վերահանձնման հանձնաժողովի գնահատումները, ինչպես նաև բողոքարկման հանձնաժողովի և փորձաշրջանի հանձնաժողովի որոշումները.
11. Խորհրդի հաստատմանն է ներկայացնում ՀՀ փաստաբանական ակադեմիայի ուսումնական պլանները.
12. ունկնդրին ենթարկում է կարգապահական պատասխանատվության.
13. ունկնդիրների նկատմամբ կիրառում է խրախուսման միջոցներ.
14. ՀՀ փաստաբանական ակադեմիայի կանոնադրությամբ սահմանված կարգով տնօրինում է փաստաբանական ակադեմիայի գույքը, այդ թվում՝ֆինանսական միջոցները, գործարքներ է կնքում ՀՀ փաստաբանական ակադեմիայի անունից.
15. բանկերում բացում է ՀՀ փաստաբանական ակադեմիայի հաշվարկային (այդ թվում` արտարժութային) և այլ հաշիվներ.
16. ներկայացնում է ՀՀ փաստաբանական ակադեմիան Հայաստանի Հանրապետությունում և օտարերկրյա պետություններում.
17. ՀՀ փաստաբանական ակադեմիայի անունից գործում է առանց լիազորագրի և տալիս է լիազորագրեր.
18. Խորհրդի հաստատմանն է ներկայացնում ՀՀ փաստաբանական ակադեմիայի աշխատանքային ներքին կանոնակարգը և հաստիքացուցակը.
19. հաստատում է տեսանկարահանում և տեսաձայնագրում իրականացնելու կարգը.
20. հաստատում է տեխնիկայի օգտագործման, հակահրդեհային անվտանգության, ինչպես նաև սանիտարական մաքրության հետ կապված կանոնները.
21. հաստատում է ժամկետանց փաստաթղթերի ոչնչացման կարգը.
22. հաստատում է ՀՀ փաստաբանական ակադեմիայի շրջանավարտների միության կանոնակարգը, ինչպես նաև նշանակում է միության նախագահին.
23. իր իրավասության սահմաններում արձակում (ընդունում) է հրամաններ, հրահանգներ, որոշումներ, տալիս է կատարման համար պարտադիր ցուցումներ և վերահսկում դրանց կատարումը.
24. սահմանված կարգով աշխատանքի է ընդունում և աշխատանքից ազատում է ՀՀ փաստաբանական ակադեմիայի աշխատակիցներին.
25. սահմանում է ՀՀ փաստաբանական ակադեմիայի կառուցվածքային ստորաբաժանումների (դեպարտամենտերի) գործառույթները.
26. սահմանում է ՀՀ փաստաբանական ակադեմիայի աշխատակազմի աշխատողների ծառայողական լիազորությունների շրջանակը.
27. աշխատակիցների նկատմամբ կիրառում է խրախուսման և կարգապահական պատասխանատվության միջոցներ.
28. ընդունում է Խորհրդի իրավասությանը չվերապահված ՀՀ փաստաբանական ակադեմիայի բնականոն գործունեությունն ապահովող ներքին իրավական ակտեր.
29. խորհրդակցական ձայնի իրավունքով մասնակցում է Խորհրդի նիստերին, ինչպես նաև ՀՀ փաստաբանական ակադեմիայի կանոնադրությամբ սահմանված կարգով ներկայացնում է խորհրդի նիստ հրավիրելու պահանջ.
30. կազմակերպում է Խորհրդի որոշումների կատարումը.
31. իրականացնում է «Փաստաբանության մասին» օրենքով և ՀՀ փաստաբանական ակադեմիայի կանոնադրությամբ (այդ թվում՝ հավելվածներով) նախատեսված այլ լիազորություններ: