Գիտելիքն ուժ է, եթե գիտես ինչպես կիրառել

Փաստաբանական ակադեմիայի դերը կայանում է նրանում, որպեսզի կարողանա տալ ոչ միայն տեղեկատվական ինֆորմատիվ գիտելիքներ, այլ նաև ունակություններ իրենց գիտելիքները և ստացած տեղեկատվությունը իրականում իրացնելու առումով: Փաստաբանական ինստիտուտը իմ խորին համոզմամբ հանդիսանում է իրավական պետության անկյունաքարային ինստիտուտներից մեկը:

Փաստաբանական դպրոցի ձևավորումից ի վեր մենք այսօր գործնականում տեսնում ենք որակապես նոր փաստաբանական ինստիտուտ: Մենք տեսնում ենք փաստաբաններ ոչ միայն բարձր մասնագիտական որակներով օժված, այլ նաև էթիկայի կանոններին հետևող փաստաբաններ: Ուժեղ փաստաբան, լավ իրավաբան ունենալու դեպքում, բոլոր կողմերն ավելի ձգված են՝ հասկանալով, որ բարձր պրոֆեսիոնալ իրավաբանի հետ գործ ունեն:

Կարող եմ միանշանակ ասել, որ Փաստաբանական ակադեմիան ապահովում է իսկական, գրագետ, բարեխիղճ, կրթված, անկաշառ և բարձր էթիկական մակարդակ ունեցող փաստաբաններ դառնալու համար անհրաժեշտ երաշխիքներ: Այն գիտելիքի պաշարը, այն փորձը, որոնք ունկնդիրներն այսօր ստանում են Փաստաբանական ակադեմիայում, բավարար է հենց Փաստաբանական ակադեմիան ավարտելու հաջորդ օրվանից անցնել գործի և պաշտպանել մարդկանց իրավունքներն ու օրինական շահերը:

Ես ինքս պատիվ ունեմ աշխատելու Փաստաբանական ակադեմիայում, ես տեսնում եմ այն դրական տեղաշարժերը, դրական գործընթացները, որ այս տարիների ընթացքում տեղի են ունեցել Փաստաբանական ակադեմիայում: Փաստաբանական ակադեմիան ենթադրում է դասավանդման այլ որակ և այլ մակարդակ, դա ենթադրում է նաև յուրահատուկ ուսումնական ծրագրեր և ուսումնական գործընթացի կազմակերպման յուրահատուկ մեթոդներ և ձևեր: Դա շատ ավելի որակյալ, շատ ավելի թիրախային, նպատակային կրթություն է ենթադրում:

Փաստաբանական ակադեմիան կլասիկ հետբուհական հաստատություն է: Եթե մենք ուսումնասիրենք այն առարկանները, որոնք որ Փաստաբանական ակադեմիայում են անցնում սաները և բուհերում, ապա չունենք մենք կրկնություն: Ըստ էության, ունկնդիրներն այստեղ այն հմտություններն են ձեռք բերում, որոնք որ հետագայում որպես փաստաբան պետք է աշխատեն և ցուցադրեն իրենց աշխատանքի որակը:

Փաստաբանական ակադեմիան դա այն եզակի կրթական կառույցներից է, որի քննությունների արդյունքների նկատմամբ երբևէ չի եղել կասկածներ և որ դրանք օբյեկտիվ են և այդ ողջ գործընթացը թափանցիկ է և փաստաբաններն իրապես իրենց հանձնած քննության արդյունքների տերն են: Սա այն հաջողություններից ձեռքբերումներից է, որը հիմք է տալիս Փաստաբանական ակադեմիայի մեր գործընկերներին շարունակեն զարգացման գործընթացը, այլ ոչ թե զրոյից կառույցի ստեղծման վրա աշխատեն:

Փաստաբանական ակադեմիայի հետ մեր հարաբերությունները կարելի է համեմատել մանկական ընկերության հետ և բնական է, որ այդ ճանապարհին մենք ունեցել ենք շատ ընդհանուր խնդիրներ, խոչընդոտներ, որոնք պետք էր հաղթահարել՝ ցույց տալու համար և հիմնավորելու մեր հիմնադրման, հետագա գոյության, զարգացման կարևորությունն ու անհրաժեշտությունը: