Ունկնդիրների գործնական ուսուցման (փորձաշրջանի) կազմակերպումը և անցկացումը, այդ թվում՝ փորձաշրջանի նկատմամբ հսկողությունը և փորձաշրջանի արդյունքների ամփոփումն իրականացնում է ՀՀ փաստաբանական ակադեմիայի գիտագործնական դեպարտամենտը:
Փորձաշրջանը կամ գործնական ուսուցումը ունկնդիրների, որպես ապագա փաստաբանների գործնական հմտությունների ձևավորման նպատակով կազմակերպվող ուսումնական գործընթաց է, որը ներառում է՝
- փաստաբանական գրասենյակում կամ այլ հաստատությունում փորձաշրջանի ծրագրով սահմանված մասնագիտական աշխատանքներ (առաջադրանքներ) կատարելը.
- ՀՀ փաստաբանական ակադեմիայի Իրավաբանական կլինիկայի հարթակում անվճար իրավաբանական օգնության ծրագրին մասնակցելը.
- փաստաբանի հմտություններ զարգացնող գործնական պարապմունքներին (սիմուլացիոն դատավարություններ, մասնագիտական հմտություններ զարգացնող դասընթացներ) մասնակցելը.
- որպես հսկող՝ ՀՀ փաստաբանական ակադեմիայում կազմակերպվող ընդունելության քննությունների կամ տեսական ուսուցման ընթացիկ քննություններին մասնակցելը:
Գործնական ուսուցմանը վերաբերող իրավական ակտերը տե՛ս →